توضيح اسباب كثيرة تخص زيارة التعداد السكاني للمواطن وهناك تحذير من التعداد السكاني للمواطن لكل عائلة تحاول اهمال موظفين التعداد او الخروج من المنازل وهناك عقوبات للعوائل الذي تحاول التهرب من التعداد السكاني.
 |
معلومات مهمة تخص زيارة التعداد السكاني للمواطن - موقع عراقيون |
الي ميشارك بالتعداد شيسووله ...؟
مثلاً شخص حب يغلس وميفتح الباب لجماعة التعداد او يخلي بيتهم فارغ ويطلع لمكان قريب .
طبعا جماعة التعداد راح ينشرون عليك مسكن فارغ واسمك مراح يتسجل مشارك بالتعداد ..
وهنا راح توگع بورطة كلش كبيرة .
لان هنا راح تصير عندك معاملة باي دائرة بالدولة
المرور الجنسية الجوازات البلدية المصرف الضريبة التربية الزراعة الصحة التجارة الجامعة ... الخ
راح هناك يدكون اسمك وتطلع انت ما عندك اسم بالاحصاء السكاني التعداد .
ويكلولك روح حباب لدائرة التخطيط سجل بياناتك وعود ارجع النا بعدين بالسلامة من تكمل ولا تنسى تجيب منهم كتاب يؤكد انت سجلت بياناتك ب التعداد ..! !
وطبعا التخطيط تفرك فر من دائرة لدائرة جيب كتاب ويحولوك للامن الوطني ليش ما شاركت بالتعداد شنو المانع قانوني امني جنائي وجيب عائلتك وياك وتضل تفتر فرة معدلة .
كلها سببها انت غلست او اخذتك النومة او رحت لبيت نسابتك
او صدكت دعاية واحد كلك لتنطيهم اسمك او راح يسرقون معلوماتك هذا الكلام غير صحيح شارك ووثق بياناتك.